தேவையான பொருட்கள் : மாதுளை பழம் - 1
புளிக்காத தயிர் - ஒன்றரை கப்
பெரிய வெங்காயம் - 1
பச்சை மிளகாய் - 2
உப்பு - தேவைக்கேற்ப
செய்முறை : வெங்காயத்தை தோல் நீக்கி நீளவாக்கில் மெல்லியதாக நறுக்கிக் கொள்ளவும்.
பச்சை மிளகாயை நீளமாக நறுக்கிக்கொள்ளவும்.
மாதுளம் பழ விதைகளை உதிர்த்து வைத்துக் கொள்ளவும்.
வெங்காயம், உப்பு, பச்சை மிளகாய் மூன்றையும் சேர்த்து பிசறி வைத்துவிடவும்.
தயிரை கிண்ணத்தில் ஊற்றி நன்கு கலந்து வெங்காய கலவையை அதில் சேர்க்கவும்.
சாப்பிடும்போது இந்த தயிர் பச்சடியில் உதிர்த்து வைத்திருக்கும் மாதுளை முத்துக்களையும் மேலாகத் தூவி பரிமாறவும்.
மாதுளை முத்துக்கள் நன்கு சிவந்து இருந்தால் தயிருடன் கண்ணைக் கவரும் வண்ணத்தில் சுவையான தயிர் பச்சடியாக ஜொலிக்கும்.
- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.
